Newyddion Diweddaraf

Asesiad Anghenion Gofal Plant Ardal Pentreuchaf

Mae Cyngor Gwynedd yn ymgynghori i asesu anghenion gofal plant ardal Pentreuchaf. Er mwyn asesu'r angen presennol a gweld os yw hyn yn cael ei ddiwallu rydym yn cynnal holiadur ar-lein rhwng 1af o Rhagfyr - 15fed o Rhagfyr.

Byddem yn annog teuluoedd a phob aelod o'r gymuned leol i lenwi'r holiadur, a chyflwyno unrhyw sylwadau, a fydd yn cynorthwyo Cyngor Gwynedd gyda'r asesiad yma. Ymgynghoriad ar Anghenion Gofal Plant

Galw an Gyfeillion

Rydym wirioneddol angen mwy o rieni i ymuno gyda ein criw bychan o Gyfeillion er mwyn gallu parhau i gynnig profiadau cyfoethog i'n plant.

Os oes ganddoch ddiddordeb ein helpu ac ymuno gyda'r criw bach o rieni sydd bellach ar ôl, plis cysylltwch â'r ysgol cyn gynted â phosib os gwelwch yn dda.

Byddwn yn falch iawn o'ch cwmni!

Rhoddion tuag at ein Raffl Hamperi Nadolig

Gofynnwn yn garedig am unrhyw roddion tuag at ein Raffl Hamperi Nadolig os gwelwch yn dda. Byddwn yn ddiolchgar iawn o unrhyw gyfraniadau.

Gwerthu Siwmperi a Gwisgoedd Nadolig

Bydd Y Cyngor Eco yn gwerthu'r siwmperi a gwisgoedd Nadolig am £1.00 ar iard yr ysgol p'nawn dydd Iau yma am 3:10yp a bore dydd Gwener am 8:45yb. Croeso mawr i bawb! Holl elw yn mynd tuag at offer ar gyfer gardd yr ysgol. Diolch yn fawr iawn i bawb am yr holl gyfraniadau caredig!

Diwrnod Cinio a Siwmper Nadolig

Dydd Mercher, Rhagfyr 3ydd 2025

Ymgyrch Siwmperi a Dillad Nadolig 2025

Cofiwch am ein hymgyrch casglu siwmperi a gwisgoedd Nadolig!

Wythnos Gwrth-fwlio

10.11.2025 - 14.11.2025

• Dydd Llun - Gwisgo Sanau Od
• Dydd Mawrth - Gwasanaeth Gwrth-fwlio
• Dydd Mercher - Gwisgo dillad glas
• Dydd Iau - Amser Cylch
• Dydd Gwener - Diwrnod plant mewn angen

Siwmperi a Gwisgoedd Nadolig

Mae'r Cyngor Eco yn chwilio am hen siwmperi a gwisgoedd Nadolig er mwyn iddynt gael eu hailgylchu ac ail-ddefnyddio. Plîs rhowch unrhyw eitemau sydd dal mewn cyflwr da, glân ac addas i'w defnyddio eto, i'ch plentyn ddod i'r ysgol. Byddwn yn ddiolchgar iawn o unrhyw roddion!

Plant mewn Angen

Bydd Diwrnod Plant mewn Angen yn cymryd lle eleni ar ddydd Gwener, Tachwedd 14eg.

Diolch i’r Cyngor Ysgol am y trefniadau a’r poster!

Mi gewch wisgo dillad melyn, Sbotiog neu Pydsi am £1

Cacennau bach ar gael am 50c
Gemau ar gale am 50c

Diolch yn fawr!

£315.50

Disgo Calan Gaeaf

Hydref 20fed

Meithrin - Blwyddyn 1: 3:30 - 4:20
Blwyddyn 2 - Blwyddyn 6: 4:30 - 5:30

Tal Mynediad - £3.00

Bagiau Fferins Ar Werth - 50c
Cwn Poeth, Diod a Chacennau yn y Pris
Gwisg Ffansi

Sialens Ddarllen y Llyfrgell

Llongyfarchiadau mawr i’r deuddeg disgybl yma a lwyddodd i gwblhau Sialens Ddarllen y Llyfrgell dros yr Haf! Da iawn chi

Dosbarthiadau 2025-2026

Teulu Ysgol Pentreuchaf 2025-2026

Meithrin
Derbyn a Blwyddyn 1
Blwyddyn 2 a 3
Blwyddyn 4, 5 a 6

Mis Cenedlaethol Cerdded i'r Ysgol

Dydd Iau, 2il o Hydref 2025

Bob dydd Iau yn ystod mis Hydref, gan gychwyn dydd Iau yma, Hydref 2il!

Amser Cyfarfod - 08:40 - 08:45

Meithrin - Blwyddyn 3 - Ger y Fynwent

Blwyddyn 4, 5 a 6 - Pwmp y Pentra

Cystadleuaeth ‘Adnabod Peryglon Dŵr’

Dydd Mawrth, 30fed o Fedi 2025

Llongyfarchiadau mawr iawn i Hari a Noa am ddod yn 2il a 3ydd mewn cystadleuaeth ‘Adnabod Peryglon Dŵr’ gan y Gwasanaeth Tân cyn yr Haf. Diolch yn fawr i North Wales Fire and Rescue Service / Gwasanaeth Tân ac Achub Gogledd Cymru am alw draw heddiw ac am y gwobrau!

Tim Criced yn cystadlu yn Efailnewydd

Dydd Mercher, 11eg o Fehefin 2025

Llongyfarchiadau mawr i’r tîm criced am ennill y gystadleuaeth yn Efailnewydd heddiw! Ymlaen â nhw i’r rownd derfynol ym Mhorthaethwy!

Gwobr Aur y Siarter Iaith

Mae’r ysgol wedi llwyddo i dderbyn Gwobr Aur y Siarter Iaith heddiw! Diolch yn fawr iawn i’r Criw Cymraeg am eu holl waith caled ac i Mrs Einir Humphreys am arwain yr holl waith dros y flwyddyn ddiwethaf. Diolch hefyd i Siwan Tomos, ein llywodraethwraig dynodedig, ac i holl blant a staff yr ysgol am fod mor arbennig!

Cystadleuaeth Bylbiau'r Gwanwyn

Llongyfarchiadau mawr iawn i’r Cyngor Eco a Dosbarth Gors Goch (Bl.1 a Derbyn) am dderbyn clod uchel gan Ymddiriedolaeth Edina ac Amgueddfa Cymru am gymryd rhan yn y prosiect Bylbiau’r Gwanwyn eleni!

Calendr Tymor yr Haf 2025

Mai 2025

Calendr Tymor yr Haf 2025 (PDF)

Cegin Fwd

Dymunai'r Cyngor Ysgol ddiolch o galon i Jewsons, Pwllheli a Wynnstay, Rhosfawr am y rhodd caredig o bren ac offer am ddim ar gyfer cael cegin fwd a tipî i'r ysgol! Diolch anferthol hefyd i Iolo Tŷ Capel am adeiladu'r ddau i ni! Mae'r plant a'r staff i gyd yn gwerthfawrogi eich haelioni yn fawr iawn!

Cystadleuaeth Creu Poster

Dydd Llun, Ebrill 14eg

Llongyfarchiadau mawr i Ana, Tomos a Cynan o flwyddyn 6 am ennill cystadleuaeth creu poster ar gyfer sioe fwyd Harlech Foodservice!

Diolch yn fawr iawn i Ursula o Harlech am alw draw heddiw hefo’r gwobrau!

Cinio Pasg 2025

Dydd Gwener, Ebrill 11eg

Mae croeso i'r plant Meithrin ymuno hefo ni yn ogystal.

Diwrnod Trwynau Coch 2025

Dydd Gwener, Mawrth 21ain

Gwisgo Dillad Coch!
Blasu Bwydydd Coch!
Cyfle i'r plant rannu jocs yn y gwasanaeth.
Cyfrannu £1

Diwrnod y Llyfr

Dydd Iau, Mawrth 6ed

Mae croeso i'r plant wisgo dillad nos i ddod i'r ysgol a dod a'u hoff stori amser gwely hefo nhw.

Llythyr Diwrnod y Llyfr

04/03/25

Byddwn yn dathlu Diwrnod y Llyfr wythnos yma ar Ddydd Iau y 6ed o Fawrth. Mae’r plant yn dymuno gwisgo dillad nos i ddod i’r ysgol y diwrnod hwnnw - pyjamas, onesie, oodie ayyb a dod a’u hoff lyfr amser gwely hefo nhw.

Mae croeso iddynt ddod â slipars a’u hoff dedi hefo nhw mewn bag hefyd. Byddant yn cael siocled poeth yn ystod y dydd hefyd os ydynt yn dymuno.

Llythyr Diwrnod y Llyfr (PDF)

Caru eich beic neu sgŵter

Cyfle i chi ddod a'ch beic neu sgŵter i'r ysgol i'w lanhau a dangos ychydig o gariad ato ar ol y misoedd Gaeaf hir. Bydd cyfle i'w reidio o gwmpas y trac yn ystod y dydd hefyd.

Mae'r Tîm Teithiau Iach wedi trefnu cyfle i'r plant ddod a'u beics neu sgwter i'r ysgol ar ddydd Sant Ffolant fel rhan o'r Rhaglen Teithiau Iach Sustrans 24-25.

Dydd Gwener, Chwefror 14

Clwb Cynilo

Ail-gychwyn 27/01/25

Cysylltwch â'r ysgol am ffurflen aelodaeth.

Ffordd wych o gasglu arian tuag at unrhyw gostau tripiau, ymweliadau preswyl ayyb!

Ailgylchu Coed Nadolig

A ydych chi eisiau cael gwared o'r goden Nadolig mewn ffordd sy'n fwy cynaliadwy?

Eleni mae Ysgol Pentreuchaf yn gweithio gyda chmwni 'Cwt Gafr' er mwyn gwnued hynny!

Gallwch ddod a'r goeden i'r ysgol erbyn y 10fed o Ionawr fel y gall 'Cwt Gafr' eu casglu.

A wyddoch chi bod geifr wrth eu boddau yn bwyta coed Nadolig?

Mae nhw yn llawr fitamin C a gwrthocsiyddion ar eu cyfer.

Diolch yn fawr!

Diolch yn fawr iawn i bawb am gefnogi ein Raffl Nadolig eleni! Llwyddwyd i godi £508 o bunnoedd fydd yn cael ei rannu rhwng y dosbarthiadau! Diolch o galon.

Ysgol Pentreuchaf Disgo Dolig

Rhagfyr 17eg 2024

3:30 - 4:30 Meithrin - Blwyddyn 1
4:30 - 5:30 Blwyddyn 2 - 6

Ci Poeth a Diod
£3.00

Stondinau Amrywiol ar Gyfer y Plant
50c yr Un

Diwrnod Gwisgo'n Llachar

Rhagfyr 5ed 2024

Mae'r Tîm Teithiau Iach wedi trefnu 'Diwrnod Gwisgo'n Llachar' ar ddydd Iau, Rhagfyr 5ed er mwyn codi ymwybyddiaeth o'r pwysigrwydd o wisgo'n llachar a defnyddio goleuadau wrth gerdded, sgwtera neu feicio, yn enwedig yn ystod misoedd yr Hydref a'r Gaeaf. Mae croeso i holl blant yr ysgol wisgo dillad lliwgar neu lachar yn ogystal â goleuadau ac eitemau adlewyrchol os ydynt yn dymuno!

Byddwch yn Llachar, Byddwch yn Weladwy (PDF)

Calendr Tymor y Nadolig

Rhagfyr 2024

Calendr Term Nadolig (pdf)

Diwrnod Cinio a Siwmper Nadolig

12.12.24

Meithrin - Blwyddyn 6