Newyddion Diweddaraf

Byddwch yn Llachar, Byddwch yn Weladwy!

Dydd Iau, Hydref 22ain

Diwrnod Gwisgo'n Llachar dydd Iau yma!

Mae'r Tîm Teithiau Iach a'r Swyddogion Iau Diogelwch y Ffyrdd yn trefnu diwrnod Gwisgo'n Llachar dydd Iau yma er mwyn pwysleisio pwysigrwydd bod yn weladwy ac yn ddiogel wrth gerdded a beicio, yn enwedig gyda'r clociau'n troi nos Sul yma! 

Gyda'r clociau'n mynd yn ôl a'r nosweithia'n tywyllu, gwisgwch eich dillad mwyaf llachar a lliwgar er mwyn i eraill allu eich gweld pan fyddwch allan yn cerdded, chwarae ac yn cael hwyl!

Wythnos Seiclo a Cherdded i'r Ysgol!

01/10/26

Dydd Llun, Hydref 5ed
Dydd Gwener, Hydref 9fed

Cyfarfod bob bore am 8:50 y bore

Beicwyr dosbarth Yr Eifl a Thre Ceiri i gyfarfod ger pwmp y pentre.

Holl gerddwyr ac unrhyw feicwyr eraill i gyfarfod ger y fynwent.

Poster Wythnos Seiclo a Cherdded i'r Ysgol! (pdf)

Neges gan Y Cyngor Ysgol

Neges gan Y Cyngor Ysgol ar gyfer wythnos nesaf.

Dydd Sul nesaf, Hydref 4ydd bydd Sioned Thomas, mam Glain Meilir (bl.1) a Huw (bl.M) yn rhedeg hanner marathon yng Nghaerdydd.

Bydd yn codi arian ar gyfer elusen Tŷ Gobaith.

Gwobr Arian y Rhaglen Teithiau Iach!

Newyddion da!

Rydym wedi derbyn Gwobr Arian y Rhaglen Teithiau Iach!

Diolch yn fawr i bawb am eu holl ymdrechion yn cymryd rhan yn y gweithgareddau drwy gydol y flwyddyn ac yn yr heriau beicio, cerdded a sgwtera amrywiol a gynhaliwyd llynedd!

Diolch yn arbennig i’r Tîm Teithiau Iach ac i Anti Sophie am drefnu’r holl ddigwyddiadau! Ymlaen â ni am yr Aur!

Diolch hefyd i Owain Williams, Swyddog Teithiau Iach Walk Wheel Cycle Trust Cymru am y tystysgrifau a’r gwobrau!

Tynnu lluniau unigolion a theuluoedd

Dewi Wyn

Dydd Mercher, Medi 30ain

"Hello Yellow"

I godi ymwybyddiaeth Iechyd meddwl mi fydd yr ysgol yn cymeryd rhan mewn gweithgareddau gwahanol drwy'r wythnos:

Dydd Llun - Seiclo i'r ysgol a Dr Beic yn ymweld a'r ysgol

Dydd Mawrth - Gweithgareddau meddwlgarwch

Dydd Mercher - Gwasanaeth

Dydd Iau - Rhedeg a cherdded trac yr ysgol

Dydd Gwener - Gwisgo Melyn

Diwrnod Dangosa Dy Streips!

Rydym yn gwahodd y plant i gyd i wisgo unrhyw beth gyda streips ar ddydd Iau, Medi 24ain i gefnogi Ymchwil Canser Cymru. Gwerthfawrogwn unrhyw gyfraniad tuag at yr achos da yma.

Gwneud Rhodd

Diweddaru Manylion Cyswllt

Ydy eich manylion cyswllt wedi newid?

Os oes unrhyw newidiadau, rhowch wybod i'r ysgol cyn gynted â phosibl er mwyn sicrhau bod ein cofnodion yn gyfredol.

Gŵyl pêl-droed Ger Siops

20/04/2026

Llongyfarchiadau mawr i dîm pêl-droed yr ysgol am gymryd rhan yng ngŵyl pêl-droed Ger Siops ddoe ym Mhenygroes. Pawb wedi mwynhau ac wedi gwneud eu gorau glas!

Cystadleuaeth Plannu Bylbiau'r Gwanwyn

Llongyfarchiadau mawr i Glain a Nansi am ennill y gystadleuaeth plannu bylbiau'r Gwanwyn gydag Amgueddfa Cymru.

Cennin Pedr Glain oedd y cyntaf i agor ar 23/02/26 a Crocws Nansi oedd y cyntaf i agor ar 20/02/26. Da iawn chi am edrych ar eu holau!

Presenoldeb Chwefror 2026

96.1% Da Iawn!

Diwrnod y Llyfr a Dydd Gwyl Dewi

Dydd Iau Mawrth y 5ed

Gwisgwch eich pyjamas a'ch sliperi a dewch a'ch hoff lyfr hefo chi i'r ysgol

Bydd siocled poeth ar gael

Dydd Miwsig Cymru

Mae'r Criw Cymraeg yn awyddus i gynnal Disgo yn y Neuadd prynhawn dydd Gwener, Chwefror 13eg 1:00-3:00yp i ddathlu Dydd Miwsig Cymru 2026. Mae croeso i'r plant wisgo dillad lliwgar i'r ysgol ar y diwrnod a bydd diod a chacen ar werth am £1 yn ogystal.

Cystadleuaeth creu fideo Diwrnod Plannu Cymru

Llongyfarchiadau mawr iawn i’r Cyngor Eco a dosbarth Gors Goch (Derbyn/Blwyddyn 1) am ennill cystadleuaeth creu fideo Diwrnod Plannu Cymru gan Amgueddfa Cymru. Dyma lun criw bach ohonynt gyda’u gwobr!

Asesiad Anghenion Gofal Plant Ardal Pentreuchaf

Mae Cyngor Gwynedd yn ymgynghori i asesu anghenion gofal plant ardal Pentreuchaf. Er mwyn asesu'r angen presennol a gweld os yw hyn yn cael ei ddiwallu rydym yn cynnal holiadur ar-lein rhwng 1af o Rhagfyr - 15fed o Rhagfyr.

Byddem yn annog teuluoedd a phob aelod o'r gymuned leol i lenwi'r holiadur, a chyflwyno unrhyw sylwadau, a fydd yn cynorthwyo Cyngor Gwynedd gyda'r asesiad yma. Ymgynghoriad ar Anghenion Gofal Plant

Galw an Gyfeillion

Rydym wirioneddol angen mwy o rieni i ymuno gyda ein criw bychan o Gyfeillion er mwyn gallu parhau i gynnig profiadau cyfoethog i'n plant.

Os oes ganddoch ddiddordeb ein helpu ac ymuno gyda'r criw bach o rieni sydd bellach ar ôl, plis cysylltwch â'r ysgol cyn gynted â phosib os gwelwch yn dda.

Byddwn yn falch iawn o'ch cwmni!