Cyngor Ysgol

Yn Ysgol Pentreuchaf, mae gan bob dosbarth bedwar cynrychiolydd ar ein Cyngor Ysgol. Rydym yn cynnal cyfarfodydd yn rheolaidd i drafod gwahanol ffyrdd y gallwn wella ein hysgol. Rydym hefyd yn cynnig syniadau sut i godi arian ar gyfer elusennau ac ar gyfer yr ysgol.

Etholir aelodau’r Cyngor Ysgol bob blwyddyn yn dilyn pleidlais dosbarth. Mae disgyblion sy’n dymuno cynrychioli’r ysgol ar y Cyngor Ysgol yn cyflwyno eu maniffesto i weddill y dosbarth ac yn cynnig eu hunain i’w henwebu. Yna cynhelir etholiadau a chyhoeddir y canlyniadau mewn gwasanaeth arbennig.

Bydd aelodau'r Cyngor Ysgol yn cyfarfod sawl tro yn ystod y tymor er mwyn trafod barn a syniadau ein disgyblion yn Ysgol Pentreuchaf. Yna, caiff y trafodaethau hyn eu bwydo'n ôl i weddill yr ysgol trwy'r dudalen gwefan hon, trafodaethau ystafell ddosbarth, gwasanaethau a hysbysfwrdd y Cyngor Ysgol.

Anti Catrin ac Anti Alaw sy’n cefnogi ni ar y Cyngor ac mae nhw’n helpu ni i rannu ein syniadau gyda gweddill y staff.

Os ydych chi'n blentyn sy'n mynd i Ysgol Pentreuchaf, gallwch gyflwyno'ch awgrymiadau ar sut i wella ein hysgol ni mewn sawl ffordd, gan gynnwys ysgrifennu syniad ar ddarn o bapur a'i bostio yn y Blwch Syniadau neu sganio’r Côd QR ar yr hysbysfwrdd.

Ond yn bwysicach byth...

Os oes angen unrhyw beth, neu os ydych am awgrymu newidiadau a mynegi eich barn, dywedwch wrth eich cynrychiolydd dosbarth.

MAE’R CYNGOR YSGOL YMA I’CH HELPU CHI GYD!

Dyma prif swyddogaethau ein Cyngor Ysgol:

Llais i holl blant yr ysgol.
Cynnig awgrymiadau ar gyfer gwella'r ysgol.
Trefnu digwyddiadau codi arian ar gyfer elusennau a’r ysgol.
Cynrychioli’r ysgol yn gyhoeddus os oes angen.
Cyfarch ymwelwyr newydd i’r ysgol.
Rhoi cyfle i blant ac oedolion rannu eu syniadau.
Trafod syniadau newydd.
Sicrhau bod ein hysgol yn lle hapus a diogel i'n holl ddisgyblion.
Cyfarfod yn rheolaidd i drafod eu barn a chael eu clywed.
Bod yn fodelau rôl da i'w cyfoedion.

Aelodau Cyngor Ysgol 2025-26

Gweithgareddau

Plant mewn Angen

Bydd Diwrnod Plant mewn Angen yn cymryd lle eleni ar ddydd Gwener, Tachwedd 14eg.

Diolch i’r Cyngor Ysgol am y trefniadau a’r poster!

Mi gewch wisgo dillad melyn, Sbotiog neu Pydsi am £1

Cacennau bach ar gael am 50c
Gemau ar gale am 50c

Aelodau Cyngor Ysgol 2024-25

Blaenoriaethau

Ein Blaenoriaethau ar gyfer 2024 - 2025

Gwella’r offer sydd ar gael i’r plant yn ystod amser chwarae a cinio.
Codi arian tuag at elusennau.
Codi arian er mwyn gwella yr ardal chwarae ar gae yr ysgol (tŵr chwarae hefo llithren)

Cynllun Datblygu Cyngor Ysgol 2024-25

Gweithgareddau

Cegin Fwd

Dymunai'r Cyngor Ysgol ddiolch o galon i Jewsons, Pwllheli a Wynnstay, Rhosfawr am y rhodd caredig o bren ac offer am ddim ar gyfer cael cegin fwd a tipî i'r ysgol! Diolch anferthol hefyd i Iolo Tŷ Capel am adeiladu'r ddau i ni! Mae'r plant a'r staff i gyd yn gwerthfawrogi eich haelioni yn fawr iawn!